Азамат Дәулетбеков: Уақытша ауыр салмақта күресемін

Биыл Париж Олимпиадасына қатысқан еркін күрес балуаны үш дүркін Азия чемпионы, әлем чемпионатының жүлдегері Азамат Дәулетбеков Астанада өткен Wrestling Stars кешінде өз салмағындағы Ресей чемпионы Алан Багаевпен кездесті, деп хабарлайды Sport+

Қос балуан да 86 келіде өнер көрсетеді, алайда бұл жарыста 92 келіде белдесті. Нәтижесінде Азамат Дәулетбеков қарсыласына жол берді.

«Өзімнің қазіргі салмағым — 92 келі. Бүгін физикалық тұрғыда қасыласқа жол бердім деп ойлаймын. Ол шабуылдарымды тоқтатып отырды. Әзірше осы салмақта күресемін, бірақ үлкен додаларда өз салмағымда шығамын.
Лос Анджелес Олимпиадасына бару үшін барымды саламын, дайындалып жүрмін».