Азамат Дәулетбеков Астанадағы турнирде күреседі

29 қараша күні Астанада өтетін күрестен Wrestling Stars дәстүрлі турниріне қатысатын тағы бір балуан белгілі болды, деп хабарлайды Sport+

Елорда бозкілеміне еркін күрестен 3 дүркін Азия чемпионы, әлем чемпионаттарының қола жүлдегері Азамат Дәулетбеков шығады.

86 келі салмақта белдесетін балуанның қарсыласы жақын арада белгілі болмақ.

Еске сала кетейік, дүбірлі додаға еркін және грек-рим күресінен әлемдік спорттағы танымал балуандар қатысады.
Олардың қатарында даңқты италиялық балуан Франк Чамисо да бар.

Wrestling Stars турнирі 29 қараша күні Астанадағы Beeline Arena  спорт кешенінде өтеді.