«Атырау» Руснактың командасымен ойнайды. «Атырау» - «Бэльц» матчын қайдан көруге болады

«Атырау» футбол клубы 16-ақпанда Түркиядағы оқу-жаттығу жиынында Молдова чемпионатының «Бэльц» командасына қарсы бақылау матч өткізеді, деп хабарлайды Sport Plus Qazaqstan.

Молдовалық команданы қазақстандық футбол жанкүйерлеріне жақсы таныс Вячеслав Руснак жаттықтырады. Футболшы ретінде ол қарағандылық «Шахтер» сапында өнер көрсетіп, «Қызылжарда» бас бапкер болып қызмет атқарды.

«Бэльц» қысқы үзіліске дейін Молдова чемпионатында бесінші орында тұрақтады.

«Атыраудың» соңғы жаңалықтарына келетін болсақ, шабуыл шебінде ойнайтын екі футболшы команда құрамын толықтырған болатын. Олар - өткен жылғы Бірінші лиганың үздік ойыншыларының бірі Едіге Оралбай және жас гамбиялық жартылай қорғаушы Ламин Жаржу.

Матч Астана уақыты бойынша сағат 19:00-де басталады.

Кездесудің тікелей эфирін Sport Plus Qazaqstan телеарнасында және сайтта, сонымен қатар Youtube эфирінде тамашалауға болады.