«Астана» ойыншылары үздік құрамаға енгізілмеді

ВТБ лигасы ойын аптасының қорытындысы бойынша, үздік ойыншылар енгізілген атаулы құраманы жариялады. Бұл жолы оның құрамына «Астана» ойыншылары қосыла алмады, деп хабарлайды Sport+ 

Үздік ойыншылар құрамасына қосылғандар: Алекса Аврамович (ЦСКА), Патрик Миллер («Локомотив-Кубань»), Ксавьер Мун («Зенит»), Макар Коновалов (МБА-МАИ) және Михаил Беленицкий (УНИКС).

ВТБ лигасының қазіргі турнир кестесінде «Локомотив-Кубань» көш бастап тұр. Мәскеулік ЦСКА екінші, «Зенит» үшінші орында.

«Астана» биылғы маусымда барлық ойында жеңіліп, турнир кестесінің ең соңғы орнында. 27 қазан күні команданың бас бапкері Фотис Такианос қызметінен босатылды.