«Астана» баскетболшысы Жұлдыздар матчына іріктелді

«Астана» баскетбол клубының форварды Ройс Хэмм ВТБ бірыңғай лигасының жұлдыздар матчына іріктеліп отыр, деп хабарлайды Sport Plus Qazaqstan.

Жанкүйерлер қатысқан алғашқы дауыс беру кезеңінен соң, БАҚ өкілдері таңдау жасаған екінші кезең өтті. Екінші кезең нәтижесінде  «Локомотив-Кубань» командасынан Девон Акун-Перселл және ЦСКА ойыншысы  Антон Астапковичпен бірге форвардтар үштігіне «Астаны» мүшесі Ройс Хэмм де енді.

Дауыс берудің үшінші кезеңінде лига басшылығы «уайлд-кард» берілетін бірнеше ойыншыны таңдайды. Ал ақпан айының басында жұлдызды командалардың бас бапкерлері драфт өткізіп, соңғв шешім қабылдайды.