«Астана» алғашқы ұпайына қол жеткізе ме? «Астана U17» — «Тараз U17» матчының трансляциясы
Астанада QJ League аясында «Астана U17» мен «Тараз U17» командалары арасындағы матч өтеді.
Елорда футболшылары алғашқы үш турда бірде-бір ұпай жинай алмай, турнир кестесінің соңында қалып отыр. Ал жамбылдықтар өткен турда өз алаңында «Ертісті» 3:1 есебімен жеңіп, жағдайларын түзете алды.
«Тараз» ойыншылары жеңісті сериясын жалғастыра ала ма? Әлде астаналықтар алғашқы ұпайларын еншілей ме?
Бұл сұрақтың жауабын 9 мамыр күні сағат 12:00–де білеміз.
Кездесудің тікелей трансляциясы Sport+ телеарнасында және sportplustv.kz сайтында көрсетіледі.
