Асқар Майдекин Азия ойындарының қорытындысы туралы: Қарсыластарға лайықты қарсылық көрсете алмадық

Қазақстан баскетбол құрамасының көшбасшысы Асқар Майдекин Sport+ арнасына берген сұхбатында команданың Жапонияда өтіп жатқан Азия ойындарындағы өнерін қорытындылады:

— Әрине, біз үшін нәтиже көңіл көншітпейді. Қарсыластарға лайықты қарсылық көрсете алмадық. Дегенмен, менің ойымша, дәл Азия ойындарында қарсыластармен тең дәрежеде ойнауға мүмкіндік бар. Өйткені мұнда негізінен негізгі құрамдар келмейді, сондықтан олармен ойнап, нәтиже көрсетуге болады. Жалпы алғанда, бәрі аздап жетіспеген сияқты. Бұл нәтижеге әсер еткен бір ғана фактор бар деп айта алмаймын.

— Жапониядағы атмосфераны қалай бағалайсың? Азия ойындарының рухы сезіле ме? Оның үстіне жарысты алғашқылардың бірі болып бастадыңдар.

— Әзірге бұл жай ғана баскетбол турнирі сияқты көрінеді. Бірақ басқа спорт түрлерінің өкілдері біртіндеп келіп жатыр, сондықтан Азия ойындарының атмосферасы алда сезіледі деп ойлаймын. Жарысты өткізіп жатқан елді ерекше атап өтер едім. Жапония — мәдениеті жоғары, тәртіпті ел. Сондықтан ұйымдастыру деңгейі де жоғары.

— Жақында «Астанамен» келісімшарттың бұзылғаны ресми түрде жарияланды. Мансабыңды қайда жалғастыратының белгілі ме?

— Литвалық клубпен келісімге келуге жақын қалдым. Бірақ екі жыл бұрын ВТБ лигасында ойнағаныма байланысты келісім жүзеге аспай қалды. Қалған ұсыныстар тек қызығушылық деңгейінде болды, нақты ештеңе түскен жоқ. Әзірге білмеймін. Енді үйге оралып, бір-екі күн ойланып көремін. Мүмкін, баскетболсыз да қалармын, кім білсін.

Қазақстан құрамасы Азия ойындарында үш матчтың барлығында жеңіліп, Бахрейн, Қытай және Филиппин құрамаларына есе жіберді.