«Антальяспор» - «Фенербахче» матчын қайдан көруге болады?

Жозе Моуриньо жаттықтыратын «Фенербахче» соңғы турда «Галатасарайға» есе жіберген еді. Бірақ бұл сәтсіздік Еуропа Лигасындағы бельгиялық «Юнионды» 2:1 есебімен жеңген соң тез ұмытылып кетті. Енді көшбасшымен аралықты қысқартатын уақыт келді.

Оған қоса, кеше «Галатасарай» осалдық танытты, енді «Фенер» жеңіске жетсе, бірінші орынмен арада бар болғаны 4 ұпай болмақ.

Бірақ Моуриньо шәкірттерінің бұл жолғы қарсыласы мықты «Антальяспор». Антальядағы матчтар «Фенербахчеге» оңайға соқпайды, алайда стамбулдықтар соңғы рет «Антальяспорға» 2019 жылы есе жіберген.

Ендігі матч 29 қыркүйек 21:00де өтеді. Sport Plus Qazaqstan телеарнасында және Sportplustv.kz сайтында тікелей эфирде көрсетіледі.