Анна Данилина мен Мария Боузкова Уимблдонның екінші айналымына шықты (видео)

Қазақстандық Анна Данилина чехиялық Мария Боузковамен жұптасып, Уимблдон турнирінің екінші айналымына шықты, деп хабарлайды Sport+.

Бірінші айналымда Мария мен Анна польшалық Катажина Питер мен мысырлық Маяр Шерифтен құралған жұпты 6:3, 6:3 есебімен жеңді.

Қазақстан-чехиялық дуэттің келесі қарсыластары — Кудерметова/Мертенс пен Клугман/Стоявлиевич жұбының жеңімпаздары болады.

4 шілде күні Анна Данилина әйелдер жұбына қоса микст санатында да жарысты бастайды — ол финн Харри Хелиёоварамен бірге өнер көрсетеді. Бұл дуэт бұрын US Open турнирінде жеңіске жеткен.