Анна Данилина Australian Open 2024 турнирінен шығып қалды

Қазақстандық теннисші Анна Данилина Андрес Молтенимен (Аргентина) жұптасып, Australian Open 2024 жарысындағы жорығын аяқтады, деп хабарлайды Sport Plus Qazaqstan.

Данилина мен Молтени Джейми Форлис-Эндрю Харрис жұбына қарсы ойнап, 4:6, 4:6 есебімен жеңіліп қалды. Кездесу 1 сағат 9 минутқа созылды.

Данилина ересектер арасында Australian Open 2024 жарысында Қазақстанның жалғыз өкілі болған еді.

Естеріңізге сала кетейік, өткен жылы Анна «Үлкен Дулыға» сериясының соңғы маусымында миксте жеңіске жетті, бірақ ол кезде біздің теннисшінің жұптасы басқа спортшы болды.