Александр Бублик US Open турнирінің үшінші айналымына шықты
US Open турнирінің екінші айналымында қазақстандық Александр Бублик австралиялық Тристан Скулкейтті 6:3, 6:3, 6:3 есебімен ұтты, деп хабарлайды Sport+.
Осылайша, Бублик биылғы маусымдағы соңғы «Үлкен дулыға» турнирінде әзірге қарсыластарына бірде-бір сет бермей, матчтарын 3:0 есебімен аяқтап келеді.
Австралиялық теннисшіні жеңгеннен кейін Бублик былтырғы ұпайларын қорғап қана қоймай, Нью-Йорктегі ең үздік нәтижесін қайталады. 2019 жылы да қазақстандық теннисші үшінші айналымға дейін жеткен еді.
Өкінішке қарай, турнирдегі тағы бір қазақстандық спортшы Юлия Путинцева жарыстағы жолын аяқтады. Ол жекелей сында да, жұптық бәсекеде де жеңіліс тапты.
