«Адана Демирспор» Айымбетовпен жеңіссіз сериясын жалғастыруда

Түркияның «Адана Демирспор» клубы өз алаңында өткен чемпионаттың 12-турында «Эюпспордан» жеңіліс тапты, деп хабарлайды Sport+.

«Эюпспор» минималды есеппен 1:0 жеңіске жетті. Қазақстандық шабуылшы Абат Айымбетов бұл кездесуде 82-минутта алаңға шықты.

Бұл жеңістен кейін «Эюпспор» 22 ұпай жинап, турнир кестесінде 4-орынға көтерілді. Ал «Адана Демирспор» соңғы, 19-орында қалып, 2 ұпаймен төменгі орындарды иеленуде. Егер өткен маусымдағы ойындарды қосып қарасақ, Айымбетовтың командасы қатарынан 14 ойын бойы жеңіске жете алмай келеді (2 тең ойын және 12 жеңіліс).