3х3 баскетболдан Қазақстан құрамасы Азия Кубогына қатысады

Құрлықтық жарыстың іріктеу кезеңі наурыз айының соңында Сингапурда өтеді, деп хабарлайды Sport Plus Qazaqstan.

С тобында ерлер құрамасының қарсыластары: Австралия, Қырғызстан және Таити. Осы төрттіктен үздік шыққан команда негізгі раундқа өтіп, Жапония және Филиппинмен кездеседі.

Әйелдер құрамасы В тобында Филиппин, Мальдив және Таити баскетболшыларына қарсы шығады. Ең көп ұпай жинаған құрама Моңғолия және Малайзиямен ойнайды.