Жүсіпов Қазақстанға шетелдік турнирде бірінші жеңісті сыйлады

Бакуде (Әзірбайжан) қазақстандық спортшылардың қатысуымен «Ұлы Жібек жолы» халықаралық бокс турнирі басталды, деп хабарлайды Sport Plus Qazaqstan.

Сонымен, Қазақстаннан алғаш болып рингке Теміртас Жүсіпов шықты. 1/4 финал кезеңінде 48 келі салмақ дәрежесінде ол жергілікті боксшы Турал Сариевті жеңіп, жартылай финалға шықты.

Еске сала кетейік, Теміртас Жүсіпов 2021 жылғы әлем чемпионы, екі дүркін Азия чемпионы (2013, 2019), Әлемдік әскери ойындар жеңімпазы (2019), әскери қызметшілер арасындағы әлем чемпионы (2021) және Қазақстан чемпионатының көп дүркін жеңімпазы.