Жібек Құламбаева Қытайдағы WTA 125 турнирінде жұптық сынның чемпионы атанды

Жібек Құламбаева Қытайдың Хучжоу қаласында өткен WTA 125 сериясыняң турнирінде жұптық сынның чемпионы атанды, деп хабарлайды Sport+.

Финалда Жібек словениялық Вероника Эрьявецпен бірге жапондық Аяно Симицу/Момоко Кобориді бір сағаттан аса уақыт ішінде 6:4, 6:2 есебімен жеңді.

Бұл атақ 25 жастағы Жібектің WTA турнирлеріндегі жұптық сындағы алғашқы жетістігі болды. Бұған қоса, қазақстандық теннисші жұптық сында ITF турнирлерінде 35 рет топ жарған.