Жанқош Тұраровтың 28 қыркүйекке жоспарланған жекпе-жегі өтпейтін болды

Кәсіпқой боксшы Жанқош Тұраровтың  (28-0, 28 КО) 28 қыркүйекке жоспарланған жекпе-жегі өтпейтін болды, деп хабарлайды Sport Plus Qazaqstan.

«28 қыркүйекке жоспарланған жекпе-жегім оң иығымнан жаттығу барысында жарақат алуыма байланысты кейінге қалдырылды, қай уақытта болатынын алдағы уақытта хабарлайтын боламын», - деп жазды боксшы.

Жанқош Тұраровтың қарсыласы жеңіліп көрмеген венесуэлалық Хесус Корреа Пинто (16-0, 16 КО) болатын. Боксшы екі чемпиондық атағын қорғау үшін 28 қыркүйекте шаршы алаңға шығады деп жоспарланған еді.