Жәнібек Әлімханұлы: Қарсыластар менен қорықпайды, олар Qazaq style-дан қорқады
WBO және IBF нұсқалары бойынша әлем чемпионы, қазақстандық кәсіпқой боксшы Жәнібек Әлімханұлы Sport+ телеарнасының құрметті қонағы атанды.
«Менің салмағымдағы біраз боксшылармен мен спарринг өткіздім, ешқандай қиындық жоқ. Олармен кездесіп жатсақ, рингте ұру керек. Мені таң қалдыратын қарсыластар — бұл келесі салмақ дәрежесіндегі Канело мен Дэвид Бенавидес. Қалғандарымен қазір-ақ шық десе, дайынмын», — деді Әлімханұлы.
Сонымен қатар, Жәнібек өзге боксшылар онымен кездесуге неге бас тартынын түсіндірді.
«Негізі боксшы боксшыдан қорықпайды. Қарсыластар Qazaq style-дан қорқады. Біздің жұдырықтасу стиліміз олар үшін өте ыңғайсыз болып, мың ойландырып, мың толғандыратын дүние деп ойлаймын»
Жәнібек Әлімханұлымен толық сұхбатты төмендегі сілтеме арқылы көруге болады.
