Жәнібек Әлімханұлы екі әлем чемпионы атағы үшін жекпе-жек өткізеді
Белгілі американдық журналист Дэн Рафаэль орта салмақтағы WBO және IBF нұсқалары бойынша әлем чемпионы, қазақстандық боксшы Жәнібек Әлімханұлының келесі жекпе-жегі туралы ақпаратпен бөлісті, деп хабарлайды Sport Plus Qazaqstan.
Әлімханұлы өз титулдарын IBF тұжырымы бойынша міндетті үміткер, Жаңа Зеландия өкілі Андрей Михайловичке қарсы жекпе-жекте қорғайды деп күтілуде.
«Top Rank компаниясы екі апта бұрын жазғанымдай, Жәнібек Әлімханұлының 13 шілдеде Лас-Вегаста орта салмақтағы біріктірілген әлем чемпионы атағын Андрей Михайловичке қарсы қорғайтынын жаңа ғана жариялады», — деп жазды журналист әлеуметтік желісінде.
