Заңғар Нұрланұлы әлемдік рейтингте 12 сатыға көтерілді

Халықаралық теннис федерациясы (ITF) жаңартылған юниорлық рейтингті жариялап, қазақстандық теннисшілер үшін жақсы нәтижелерді көрсетті.

17 жастағы Заңғар Нұрланұлы айтарлықтай серпіліс жасап, 12 сатыға жоғарылап, 12-орынға көтерілді. Өткен жылы қазақстандық теннисші юниорлар арасындағы US Open турнирінің жартылай финалына дейін жеткен болатын.

Дамир Жалғасбай да ТОП-20 қатарына жақындап келеді — ол 31-орынға көтерілді, ал Даниэль Тазабеков 52-сатыда орналасқан. Айта кетейік, Заңғар, Дамир және Даниэль жақын арада юниорлар арасындағы Аустралия ашық чемпионаты негізгі торында өнер көрсетеді.