Жалғас Жұмағұлов пен Дамир Исмағұловтың келесі жекпе-жектері жарияланды
20 желтоқсан күні Астанада Fight Nights Boxing турнирі өтеді, деп хабарлайды Sport+.
Кештің басты оқиғасы – колумбиялық нокаутер Марлон Агуас пен қазақстандық болашағынан үлкен үміт күттіретін боксшы Дәулет Дәукенов арасындағы тартысты титулдық жекпе-жек!
Кештің екінші басты жекпе-жегі – аргентиналық шебер Эмилиано Пучета мен қазақстандық ең жарқын спортшылардың бірі Сапарбай Айдаровтың кездесуі.
Норвегия атынан сынға түсетін Раванд Оуба қазақстандық ММА аңызы Жалғас Жұмағұловпен рингте күш сынасады.
Ал бразилиялық нокаут шебері Фелипе Майа Қазақстанның тағы бір аңызы – Дамир Исмағұловпен кездеседі. Бұл жекпе-жек Исмағұловтың спортқа қайта оралуындағы маңызды кезең болмақ.
