Зайнутдинов «Бешікташтан» кетеді

«Бешікташта» бір жыл доп тепкен қазақстандық Бақтиер Зайнутдинов стамбұлдық клубпен келісімшартын жақын күндері үзеді, деп хабарлайды Sport Plus Qazaqstan.

«Өткен маусымда ресейлік ЦСКА-дан «Бешікташқа» ауысып келген қазақстандық қорғаушы Бақтиер Зайнутдинов осы маусымда мүлдем көрінбей кетті. Біздің білуімізше, 26 жастағы ойыншы командадан кетеді. Зайнутдиновтің «Зенитке» трансфері келісіліп қойғанына қарамастан ол Ресейге барғысы келмейтінін айтып, қалып қойған еді», - деп жазылған аталған басылым таратқан ақпаратта.

Айта кетейік, Зайнутдинов биылғы Түркия чемпионаты басталғалы «Бешікташ» сапында алаңға шыққан жоқ. Ол жазғы оқу-жаттығу жиындарына да қатыспады.