Виктор Васиннің мансабын тоқтататыны рас па?

Алматылық «Қайраттың» 35-жасар қорғаушысы Виктор Васиннің агенті Артём Минасов ойыншының болашағы жайында айтты, деп хабарлайды Sport Plus Qazaqstan Championat.com сайтына сілтеме жасай отырып.

Аяқдопшының өкілі Васин мансабын әзір аяқтайтын ойы жоқ екендігін мәлімдеді.

«Виктора Васиннің „Қайратпен“ келісім шарты әлі сегіз ай жалғасады.  Клубтан ешкіммен сөйлеспедім, сол үшін менде ешқандай ақпарат жоқ. Басқа клубтардан да ешкім хабарласқан жоқ.

Ал, мансабын тоқтату жайында ешнәрсе айта алмаймын. Виктормен сөйлеспегелі екі ай болды. Бірақ футболдан кетуге ерте деп ойлаймын», — деді Минасов.

Васин «Қайрат» сапында 2022 жылыдң ақпан айынан ойнайды. Осы аралықта ол 60 матч өткізіп, төрт гол соққан.