UFC Сауд Арабиясының қолдауымен бокс лигасын құруға дайындалуда

UFC мен WWE рестлинг ұйымын біріктірген TKO Group медиаконгломераты жақын арада кәсіби бокс лигасын құруды жоспарлап отыр, деп хабарлайды Sport+.

Sports Illustrated мәліметінше, бұл жобаны жүзеге асыру Сауд Арабиясымен серіктестік арқасында мүмкін болмақ.

Жаңа лиганың атауы әлі құпияда сақталуда.

UFC мен WWE 2023 жылдың қыркүйегінде TKO Group бренді аясында бірікті.

Соңғы жылдары бірнеше ірі бокс турнирлерінің ұйымдастырылуына Сауд Арабиясының шенеунігі Турки Әл аш-Шейх себепкер болды. Оның қолдауымен Фрэнсис Нганну мен Тайсон Фьюри арасындағы және Тайсон Фьюри мен Александр Усик арасындағы жекпе-жектер өтті.