Турдың орталық матчы: «Брага» – «Порту» ойынының трансляциясы

Футболдан Португалия чемпионатының 27-турының орталық матчында Еуропа лигасының ширек финалына қатысушы екі команда — «Брага» мен «Порту» кездеседі.

Қазіргі таңда Фариоли шәкірттері Португалия чемпионатының турнирлік кестесінде сенімді түрде 1-орында келеді. Ал «Брага» үздік төрттікті түйіндеп тұр. Айта кетейік, өткен турда «Брага» қазіргі чемпион «Спортингті» тоқтатып, 2:2 есебімен тең түсті.

Енді олардың келесі қарсыласы — тағы бір көшбасшы «Порту».

«Брага» — «Порту» матчы 22-нен 23 наурызға қараған түні сағат 01:30–да басталады. Тікелей трансляция Sport+ телеарнасында, сондай-ақ sportplustv.kz сайтында қолжетімді болады.