«Тобыл» грузиялық легионермен толықты

«Тобыл» ресми түрде грузиялық жартылай қорғаушы Цотне Мосиашвилиді келісім-шартқа отырғызғанын жариялады, деп хабарлайды Sport Plus Qazaqstan.

Цотне - грузиялық «Гагра» клубының түлегі. Бұрын Мосиашвили бірнеше грузиялық командаларда ойнаған. 2023 жылы «Динамо» Батуми құрамында ел чемпионы атанды.

Жартылай қорғаушы Қазақстан чемпионатына маусымның басында ауысқан. Цотне талдықорғандық «Жетісу» үшін барлық турнирлерде 13 матч өткізді.

Мосиашвили – орталық шебте жылдам және қозғалмалы ойыншы. Қажет болса, ол қорғаныс флангінде және шабуылшы жартылай қорғаушы позициясында ойнай алады. Ойын барысында қарсыласын денесімен жауып, ойынның қарқынын жақсы оқып, допты қарсыластан тартып алып, жылдам қарсы шабуыл бастай алады.