Теннисші Заңғар Нұрланұлы жасөспірімдер арасындағы Australian Open турнирінде тарихи жетістікке жетті

Қазақстан құрамасының теннисшісі Заңғар Нұрланұлы Мельбурн қаласында (Аустралия) өтіп жатқан жасөспірімдер арасындағы Australian Open-2026 турнирінің жартылай финалына шықты, деп хабарлайды Sport+ Olympic.kz сайтына сілтеме жасап.

Жасөспірімдер арасында әлемдік рейтингте 12-орында тұрған Нұрланұлы ширек финалда Гонконг өкілі Кай Томпсонмен (ITF Juniors рейтингі — 48) кездесті.

Кездесу қазақстандық теннисшінің жеңісімен аяқталды — 3:6, 7:6 (7:4), 6:4.

Осылайша, Заңғар Нұрланұлы Қазақстан теннисі тарихында жасөспірімдер арасындағы Australian Open турнирінің жекелей сындағы алғашқы жартылай финалисі атанды.