Таеквондошы Жансель Дениз Олимпиада іріктеу турнирінде жеңіліп қалды
Қазақстандық таеквондошы Жансель Дениз Қытайдың Тайань қаласындағы лицензиялық турнирде жеңіліс тапты, деп хабарлайды Sport Plus Qazaqstan Olympic.kz сайтына сілтеме жасап.
67 келіге дейінгі салмақтағы жартылай финал жекпе-жегінде Жансель Дениз тәжікстандық Мунира Абдусоломоваға жол берді.
Осылайша, таеквондодан Қазақстан құрамасы Париждегі Олимпиада ойындарына екі жолдама иеленді.
Төртжылдық додасында Самирхон Абабакиров (58 келі) пен Батырхан Төлеуғали (80 келі) ел намысын қорғайды.
