Шымкентте IRFIN Promotion кәсіпқой бокс турнирінің алдын ала кардындағы жекпе-жектер аяқталды
Шымкентте кәсіпқой бокс турнирінде алдын ала кард аясында бес жекпе-жек өтті, деп хабарлайды Sport Plus Qazaqstan.
Жекпе-жектердің қорытындысы бойынша үш жеңісті қазақстандық боксшылар, ал екі жеңісті қонақтар жеңіп алды.
Алдын ала кард нәтижелері:
Никита Горшков (Ресей) Армат Арманұлын төрешілердің бөлінген шешімімен жеңді.
Жолдас Жеңісов Шохбозбек Толибжоновты (Өзбекстан) төрешілердің бірауызды шешімімен жеңді.
Алишер Абдуәлім бірінші раундта Сардор Музаффаровты (Өзбекстан) нокаутпен ұтты.
Баасандорж Батчулуун (Моңғолия) Қалдыбек Қалданды төрешілердің бөлінген шешімімен жеңді.
Бауыржан Бекмұрзаев Дилмуроджон Тошхуджаевты (Өзбекстан) техникалық нокаутпен жеңді, қарсыласы екінші раундқа шықпады.
