Sport+ жартылай орта салмақтағы WBA, WBC, IBF және The Ring титулдарын біріктіру жекпе-жегін көрсетеді

7 наурызда ағылшын боксшысы Наташа Джонас Уэльс өкілі Лорен Прайспен біріктірілген жекпе-жекке шығады.

Бұл кездесуде әйелдер арасындағы жартылай орта салмақтағы (66,7 келі дейін) WBA, WBC, IBF және The Ring белбеулері сарапқа салынады.

40 жастағы Джонас WBO, WBC, IBF және The Ring титулдарының иегері. Ал Прайс — 2020 жылғы Олимпиада чемпионы, кәсіпқой бокста WBA, IBO және The Ring белбеулерін жеңіп алған.

Прайс желтоқсандағы соңғы жекпе-жегінде Бекси Матеусты үшінші раундта нокаутпен жеңіп, барлық титулын қорғады.

Айта кетерлігі, бұл бокс кешінің барлық жекпе-жектері әйелдер арасында өтеді:

Наташа Джонас (Ұлыбритания) — Лорен Прайс (Ұлыбритания). Жартылай орта салмақ. WBA, WBC, IBF, IBO және The Ring титулдары сарапқа салынады;

Каррисс Артингсталл (Ұлыбритания) — Рэйвен Чапмен (Ұлыбритания). Жартылай жеңіл салмақ;

Кэролайн Дюбуа (Ұлыбритания) — Бо Ми Ре Шин (Оңтүстік Корея). Жеңіл салмақ. WBC белбеуі үшін жекпе-жек;

Синди Нгамба (Ұлыбритания) — Кирсти Бавингтон (Ұлыбритания). Бірінші орта салмақ;

Хлоя Уотсон (Ұлыбритания) — Ясмина Запоточная (Польша). Ең жеңіл салмақ. EBU белбеуі үшін жекпе-жек;

Франческа Хеннесси (Ұлыбритания) — Карла Камила Кампос (Боливия). Екінші жеңіл салмақ.

Бұл бокс кешін Sport+ арнасы тікелей эфирде көрсетеді. Трансляция 7 наурыздан 8 наурызға қараған түні сағат 00:00–де басталады.