Садриддин Ахмедовті Головкиннің бапкері жаттықтыра бастады

Қазақстандықтың келесі жекпе-жегі 13 желтоқсан Санта-Инеседе өтеді, деп хабарлайды Sport +.

 

Бірінші орта салмақтағы қазақстандық боксшы Садриддин Ахмедов (14-0, 12 КО) келесі жекпе-жегіне дайындығын жалғастырып жатыр.

Instagram желісіндегі парақшасында Ахмедов залда жаттығып жатқан видеосын жариялады. Видеода Ахмедовке Геннадий Головкиннің бұрынғы бапкері - Абель Санчестің көмектесіп жүргенін де байқауға болады.

Ахмедовтің ісін промоутер Том Леффлер жүргізеді, кезінде ол да GGG-мен жұмыс істеген.

Қазақстандықтың келесі жекпе-жегі 13 желтоқсан Санта-Инеседе өтеді. BoxRec.com мәліметінше, қарсылас америкалық Рафаэль Игбокве (17-5, 7 КО).