«Қызылжардың» стадионы өртенді
Петропавл қаласында жергілікті «Қызылжар» клубы соңғы екі маусымда үй матчтарын өткізген «Жастар» стадионында өрт шықты, деп хабарлайды Sport+.
Өрт жабық манежге жапсарлас орналасқан гараждан басталып, кейін манежге тараған. Зардап шеккендер жоқ.
Еске сала кетейік, Петропавлдағы Қарасай батыр атындағы стадион екі кезеңдік жөндеуден өтіп жатыр. Сол себепті негізгі стадион қолжетімсіз болған уақытта «Қызылжар» өз үй матчтарын «Жастар» стадионында өткізген еді.
