Қазақстанның үш боксшысы әлем чемпионатының ширек финалына өтті

Американың Колорадо штатындағы World Boxing ұйымының алғашқы әлем чемпионатында Қазақстан боксшылары келесі айналымға өтті, деп хабарлайды Sport+.

19 жасқа дейінгі спортшылар арасындағы жарыстың алғашқы күні Диас Серікұлы (70 келі) Алжир боксшысынан басым түссе, екінші күні Ерасыл Аманғалиев (55 келі) пен Асылхан Көшербай (65 келі) чехиялық қарсыластарын мерзімінен бұрын жеңді.

Ал, Даниял Райымбеков (85 келі) жеребе бойынша бірден жартылай финалдан бастайды.

Біріншілік 2 қарашаға дейін жалғасады.