Қазақстандық боксшылар Сербиядағы турнирде бірінші орынды иеленді

Белградта (Сербия) халықаралық бокс турнирі аяқталды. Қазақстан құрамасы осы жарыста сегіз медаль жеңіп алды, деп хабарлайды Sport Plus Qazaqstan.

Біздің боксшылардың еншісінде төрт «алтын» және төрт «күміс» бар.

Бірінші орынды Ернур Қайрат (48 келіге дейін), Санжар Ташкенбай (51 келіге дейін), Дәулет Молдашев (54 келіге дейін) және Диас Молжигитов (75 келіге дейін) иеленді.

Күміс медальдарды Сабыржан Аққалықов (71 келіге дейін), Ерасыл Жақпеков (80 келіге дейін), Данияр Рахимбердинов (92 келіге дейін), Олжас Бокаев (92 келіден аса) жеңіп алды.

Командалық есепте Қазақстан бірінші орынға шықты.