Қазақстандық боксшы Азия чемпионатында өзбекстандыққа жол берді

54 келі салмақ дәрежесінде өнер көрсететін қазақстандық боксшы Нұрасыл Төлебек Астанада өтіп жатқан жастар арасындағы Азия чемпионатында жартылай финалдық жекпе-жегін өткізді, деп хабарлайды Sport Plus Qazaqstan.

Төлебектің қарсыласы өзбекстандық Собиржон Тастанов болды. Үш раундтық жекпе жектің нәтижесінде төрешілер жеңісті 5:0 есебімен Тастановқа берді. Осылайша, ол алтын үшін күреседі, ал Нұрасыл Төлебекке қола медаль бұйырды.

Айта кетейік, Нұрасыл Төлебек 2023 жылы Ереванда (Армения) өткен әлем чемпионатында жастар арасында чемпион атанған.