Қазақстандық Әли Ахмедов 40 жастағы боксшыны нокаутпен жеңді

Екінші орта салмақта өнер көрсететін қазақстандық боксшы Әли Ахмедов (20-1, 15 КО) кезекті жекпе-жегін жеңіспен аяқтады, деп хабарлайды Sport Plus Qazaqstan.

Детройтта (АҚШ) өткен бокс кешінде Әли 40 жастағы костарикалық боксшы Энкарнасьон Диаспен (18-4, 11 КО) жұдырықтасты. Он раундқа жоспарланған жекпе-жек екінші раундта техникалық нокаутпен айқталды. Бұған дейін қазақстандық боксшы қарсыласын бір рет нокдаунға жіберген болатын.

Осылайша Әли кәсіпқой рингтегі 21-ші жеңісіне қол жеткізді. Оның есебімнде тек бір жеңіліс бар. Ал, Диас болса бесінші рет жеңілді.