Қазақстан су добынан жасөспірімдер арасындағы әлем чемпионатында Уругвайды ойсырата жеңді
Қазақстан жасөспірімдер құрамасы су добынан Хорватияның Загреб қаласында өтіп жатқан әлем чемпионатындағы өнерін жалғастыруда, деп хабарлайды Sport+ Olympic.kz сайтына сілтеме жасап.
Үшінші кездесуде қазақстандық спортшылар Уругвай құрамасын ірі есеппен жеңді. Матч 22:5 есебімен аяқталды.
Қазақстан құрамасының ойыншысы Максим Сасин кездесудің үздік ойыншысы атанды. Бүгін, 6 тамызда, Қазақстан құрамасы Түркиямен кездеседі.
Еске салсақ, әлем чемпионатының алғашқы матчында ұлттық құрама Мысырға есе жіберсе, екінші ойында Сингапурдан басым түсті.
