Қазақстан спортшылары әлем Кубогының кезеңінде жеңілді

Австрияның Бишофсхофен қаласында шаңғымен трамплиннен секіруден Әлем кубогының кезеңі өтіп жатыр, деп хабарлайды Sport+ Olympic.kz сайтына сілтеме жасай отырып.

Бұл жарысқа Қазақстан атынан Илья Мизерных пен Данил Васильев қатысуда.

Өкінішке қарай, қазақстандық спортшылар іріктеуден өте алмады, өйткені келесі кезеңге 50 үздік спортшы ғана өтті.

Мизерных 53-орын иеленсе, Васильев 60-орында қалды.

Айта кетейік, бұл Әлем кубогының кезеңі "Төрт тұғыр турнирі" бағдарламасындағы соңғы жарысы. Жалпы есепте қазақстандықтардың арасынан тек Илья Мизерных бар, ол қазір 50-орынға тұрақтаған.