Қазақстан кубогы U14: қыздар арасында топтық кезең аяқталды

Шымкентте 14 жасқа дейінгі теннисшілер арасындағы Қазақстан кубогының топтық кезеңі аяқталды. Оның қорытындысы бойынша қыздар арасындағы жарыста турнирдің басты жүлделері үшін күресті жалғастыратын сегіз команда анықталды.
А тобында үш жеңіске қол жеткізген Жетісу облысының құрамасы бірінші орын алды. Екінші орынға Шымкент командасы жайғасты. Топтық кезеңнің соңғы кездесуінде Жетісу теннисшілері жарыс қожайындарын 2:1 есебімен жеңді.
B тобында үш командалық кездесудің барлығында жеңіске жеткен Астана-2 командасы бірінші орын иеленді. Ақтөбе облысының құрамасы екінші болды. Бұл командалардың өзара кездесуінде елордалық теннисшілер 3:0 есебімен басым түсті.
C тобында Қарағанды облысының командасы жеңіліссіз өнер көрсетті. Топтағы бірінші орын үшін шешуші кездесуде қарағандылықтар Алматы-1 командасын 2:1 есебімен жеңді.
D тобында үш жеңіске қол жеткізген Түркістан облысының құрамасы бірінші орын алды. Соңғы турда Түркістан облысының командасы Астана-1 құрамасын 2:1 есебімен жеңді.
Осылайша, 1–8-орындар үшін Жетісу, Ақтөбе, Қарағанды және Түркістан облыстарының құрамалары, сондай-ақ Шымкент, Алматы-1, Астана-1 және Астана-2 командалары күресті жалғастырады.

1–8-орындар үшін плей-офф жұптары:Жетісу облысы — Алматы-1
Астана-1 — Астана-2
Қарағанды облысы — Ақтөбе облысы
Шымкент — Түркістан облысы
9–16-орындар үшін Атырау, Батыс Қазақстан, Павлодар, Ақмола, Солтүстік Қазақстан, Жамбыл және Қостанай облыстарының құрамалары, сондай-ақ Алматы-2 командасы сынға түседі.
Қазақстан кубогы U14 Шымкент қаласында өтіп жатыр. Турнир 29 тамызда аяқталады.

Барлық маңызды спорттық оқиғаларды BeeTV-ден тамашала!