Қазақстан бокстан Азия чемпионатында төртінші алтын медаль жеңіп алды

Қазақстандық боксшы Гүлсая Ержан Чиангмай қаласында өтіп жатқан Азия чемпионатында командасына төртінші алтын медаль сыйлады, деп хабарлайды Sport+.

81 келіге дейінгі салмақ дәрежесінде финалдық жекпе-жекте Гүлсая украиналық Карина Айрапетянды айқын басымдықпен жеңіп, чемпион атанды.

Осылайша, Қазақстан құрамасы қазіргі уақытта төрт алтын медальге ие. Бұған дейін Виктория Графеева (60 кг дейін), Аида Әбікеева (63 кг дейін) және Наталья Богданова (70 кг дейін) чемпион атанған болатын.

Сонымен қатар, Айгерім Саттыбаева (48 кг дейін), Жазира Орақбаева (52 кг дейін), Ұлжан Сәрсенбек (57 кг дейін), Милана Сафронова (66 кг дейін) және Диана Мағауияева (75 кг дейін) Азия чемпионатында қола медаль жеңіп алды.