Қазақстан Бакудегі турнирде алғашқы жеңіліс тапты

Дамир Абдыкадыр Бакудағы (Әзербайжан) «Ұлы Жібек жолы» атты халықаралық бокс турнирінде жеңіліске ұшырады, деп хабарлайды Sport Plus Qazaqstan.

Осылайша, Қазақстан құрамасы алғашқы жеңілісін бастан өткізді. 51 келі салмақ дәрежесінде ¼ финал кезеңінде Дамир ирандық Мэхди Хорошахи Парвизимен жекпе-жекте жеңіліп, жарыстың жартылай финалына шыға алмады.

Еске сала кетейік, бұған дейін бұл турнирде 48 келі салмақ дәрежесінде қазақстандық боксшы Теміртас Жүсіпов жергілікті боксшы Турал Сариевті жеңіп, жартылай финалға шыққан болатын.