Қазақ боксшылары Парижден кемі бір алтын алады - Ермахан Ыбрайымов

Боксшы, халықаралық спорт шебері, 2000 жылғы Сидней Олимпиадасының жеңімпазы Ермахан Ыбрайымов Парижде қай боксшыға сенім артатынын айтты, деп хабарлайды Sport Plus Qazaqstan.

«Негізі алдын-ала анау алтын, мынау күміс, ол қола алады деп айту дұрыс емес. Ондай болжам ұлттық құрамдағы әрбір боксшыға кері әсерін тигізбесе, пайдасын әкелмейді.

Қазіргі ұлттық құрамда жүрген жігіттеріміздің бірі — әлем чемпионы, бірі — Азия ойындарының жүлдегері. Бәрінің де көп-көрім жетістіктері, тәжірибелері бар.

Сондықтан, өз басым бәріне сеніммен қараймын. Кейде, мүлдем сен ойламаған, мен ойламаған бір боксшы жарық етіп шыға келуі мүмкін. Менің ойымша, қазақ боксшылары Парижден кемі бір алтын алады», - деді Ермахан Ыбрайымов.