Қарағандыдағы «Мықтылар турнирінің» барлық жеңімпаздары анықталды (видео)

Қарағандыда әйелдер арасындағы бокстан «Мықтылар турнирі» аяқталды, деп хабарлайды Sport Plus Qazaqstan.

Турнир қорытындысы бойынша Қазақстан құрамасының бапкерлік штабы Азия чемпионатына қатысатын құрама жасақтайды. Турнирге Қазақстанның барлық мықты спортшылары қатысса, Ресейден қонақ ретінде спортшылар шақырылды. Қарағандыдағы турнирде қатысушылар алғаш рет шлемсіз жұдырықтасты.

«Мықтылар турнирінің» жеңімпаздары ретінде Айгерім Сәттібаева (Жамбыл облысы), Алуа Балқыбекова (Алматы), Жазира Урақбаева (Алматы), Анель Сақыш (Алматы), Виктория Байдукова (Жамбыл облысы), Виктория Графеева (Алматы), Аида Әбікеева (Қарағанды облысы), Милана Сафронова (Қарағанды облысы), Ангелина Витова (Ресей), Елена Гапешова (Ресей), Гүлсая Ержан (Қызылорда облысы) және Ельдана Тәліпова (Алматы) танылды.

Қарағандыдағы турнирді тікелей эфирде Sport Plus Qazaqstan телеарнасы көрсетті. Азия чемпионаты 2024 жылдың желтоқсанында өтеді.