«Қайрат» жаңа бас бапкерімен келісімге келді

Ойыншы ретінде танымал болған ресейлік Александр Кержаков алматылық «Қайрат» футбол клубын баптайтын болады, деп хабарлайды Sport Plus Qazaqstan.

«Александр Кержаков — алматылық клубтың жаңа бас бапкері, бұл шешілген мәселе. Енді тағы бір сұрақ: оның ағасы Миша (Михаил Кержаков - ресейлік қақпашы) артынан келеді ме, оның жазда «Зенитпен» келісімшарты аяқталмақ», — деді ресейлік ақпарат көзі.

Кержаков Санкт-Петербургтің «Зенит», испаниялық «Севилья» және Ресей құрамасының сапында ойнауымен танымал. Бапкер ретінде ол Ресейдің 17 жасқа дейінгі құрамасында, ресейлік «Томь» және «Нижний Новгород», кипрлік «Кармиотисса» және сербиялық «Спартак» (Суботица) клубтарында жұмыс істеген.

Айта кетейік, «Қайрат» қазіргі уақытта үшінші орында келе жатыр.