Қайрат Сатжанов бокстан Қазақстан құрамасының алдағы жоспарлары туралы айтты

Қазақстан ерлер құрамасының бас бапкері Қайрат Сатжанов Olympic.kz сайтына берген сұхбатында алдағы дайындық пен жақын арадағы жоспарлар туралы айтты, деп хабарлайды Sport+.

«20 наурыздан бастап Кисловодскіде (Ресей) Ресей, Өзбекстан, Әзербайжан және Беларусь командаларының қатысуымен бірлескен оқу-жаттығу жиындары өтеді. Кейбір боксшылар Бразилияда өтетін Әлем кубогының кезеңіне қатысады. Құраманың басқа бөлігі Әзербайжан мен Грузияда оқу-жаттығу жиындарын өткізіп, кейіннен 10-16 сәуір аралығында өтетін «Жібек жолы» халықаралық турнирінде бақ сынайды.

13-27 наурыз аралығында Жапония мен Оңтүстік Корея боксшыларымен бірлескен оқу-жаттығу жиындары жоспарланған. Сонымен қатар, құраманың бір бөлігі Ресейде өтетін оқу-жаттығу жиындары аясында Хабаровск қаласындағы турнирге қатысады», — деді тәжірибелі бапкер.