Пауло Рикардо Кака: Жанкүйерлер жеңілістен кейін бізден теріс айналған жоқ

Қазақстан футзал құрамасының бас бапкері Пауло Рикардо Кака ҚФФ баспасөз қызметіне берген сұхбатында Өзбекстанда өткен әлем чемпионатындағы құраманың өнеріне байланысты жасаған қорытындыларымен бөлісті, деп хабарлайды Sport+.

«Бұл әлем чемпионатында біз табысқа жетуге қабілеттіміз және сенімдіміз деп сезіндім, бірақ, өкінішке қарай, нәтижеге қол жеткізе алмадық. Дегенмен, бізге қатты сеніп, үміт артқан адамдар бізден теріс айналған жоқ және қолдау көрсетті. Бұл реакция – біз үшін үлкен артықшылық. Жанкүйерлердің жеңіліс сәттерінде де құрмет көрсетуі өте жағымды. Біз үшін ең маңыздысы – адамдар тіпті жеңіліс сәттерінде бізбен бірге болды, олар команданың Қазақстан атынан барлық күшін салғанын көрді.

Тағы бір маңызды жайт, осы әлем чемпионатында болашағымызға үміт беретін жаңа ойыншылар пайда болды», — деп мәлімдеді Кака.