Олимпиадаға іріктеу турнирінде бүгін қазақстандық үш боксшы рингке шығады

Таиланд астанасы Бангкок қаласында өтіп жатқан бокстан Олимпиадаға іріктеу турнирінде бүгін, 1 маусымда қазақстандық үш боксшы сайысқа түседі, деп хабарлайды Sport Plus Qazaqstan.

Ел құрамасынан 1/8 финалда Валентина Хальзова (75 келі) сағат 12:15-те моңғолиялық Эрденетуя Энхбаатармен кездеседі.

Ал 16:30-да 1/8 финалда Назым Қызайбай (50 келі) ұлыбританиялық Саванна Стублеймен шеберлік байқасады.

Сондай-ақ 18:45-те Мұхаммедсабыр Базарбайұлы (63.5 келі) бесінші жолдама үшін колумбиялық Хосе Мануэль Виафарамен қолғап түйістіреді.

Бұл жұптың жеңімпазы Александру Параскив (Молдова) пен Эмилио Гарсия (АҚШ) жұбының жеңімпазымен жолдаманы сарапқа салады.