NAIZA лигасының бұрынғы чемпионы қараша айындағы турнирде қайта оралады

NAIZA лигасының жартылай жеңіл салмақтағы бұрынғы чемпионы Николай Самусев қараша айындағы турнирде октагонға қайта оралуға дайын, деп хабарлайды Sport+.

Самусев лигадағы соңғы жекпе-жегін 2021 жылы өткізген. Сол кездесуден кейін ол тізе жарақатына байланысты чемпиондық белбеуін босатқан болатын. Жарақатынан айыққан соң Николай BRAVE лигасында жекпе-жек өткізуге келісімшартқа қол қойды, алайда сәтсіз құлаудың салдарынан қолын сындырып алды.

Енді чемпион өз есімін қалыптастырған октагонға қайта оралуға әзір.

Турнир 29 қараша күні Алматы қаласында өтеді. Жекпе-жек кешін Sport+ телеарнасы тікелей эфирде көрсетеді.