Мырзағали Айтжанов өзбек боксшыларына бата берді

Бокстан Қазақстан құрамасының бас бапкері Мырзағали Айтжанов Өзбекстан командасының жаттықтырушысымен және боксшыларымен кешкі ас ішті, деп хабарлайды Sport Plus Qazaqstan.

Өзбекстан бокс құрамасының бас бапкері Толқын Қылышев Instagram-дағы парақшасына Ташкентте өткен кешкі астан суреттер мен видеолар жариялады.

Ондағы суреттерден Мырзағали Айтжанов төрде отырғанын байқауға болады. Сондай-ақ бапкер Толқын Қылышев және бірнеше өзбекстандық боксшы да кешкі асқа қатысқан.

Ас соңында Қазақстан құрамасының бас бапкері бата беріп, өзбек-қазақ боксшылары Олимпиаданың финалына шыға берсін деген тілек айтты.