Мұхаммед Еңсебаев алғаш рет «Реал Вальядолид Б» командасының тізіміне енді

Испанияның Сегунда РФЕФ лигасының 13-туры аясында өткен матчта «Реал Вальядолид Б» командасы «Ларедоны» 1:0 есебімен жеңді, деп хабарлайды Sport+.

19 жастағы қазақстандық жартылай қорғаушы Мұхаммед Еңсебаев алғаш рет «Реал Вальядолид Б» командасының өтініміне енді, бірақ бұл ойында алаңға шықпай, қосалқы құрамда қалды.

Айта кетейік, Еңсебаев Қазақстанның U-19 құрамасының басқа сегіз ойыншысымен бірге Matador Academy және Sport Arts агенттігінің бірлескен бағдарламасы аясында испандық клубтардың қарауынан өткен болатын. Өзінің ойынымен «Вальядолид» бапкерлерінің көңілдерінен шығып, ол испандық клубпен үш жылдық келісімшартқа отырды.