Мюнхеннің «Бавариясы» Германия кубогының жартылай финалына жолдама алды (видео)

Германия кубогының 1/4 финал аясында «Альянц Арена» стадионында өткен кездесуде мюнхендік клуб «Лейпцигті» 2:0 есебімен жеңді.

Алғашқы таймда есеп ашылмағанымен, екінші таймда алаң иелері ойын тағдырын өз пайдасына шешті.

64-минутта Харри Кейн пенальтиден дәл соққы жасап, «Баварияны» алға шығарды. Араға үш минут салып, 67-минутта Диас есепті еселей түсті.

Осылайша, екі гол «Баварияға» сенімді жеңіс сыйлап, команда Германия кубогының жартылай финалына өтті.